A D.O. Rías Baixas fiel a sua presenza na xornada Gastronomíca de Galicia no BASQUE CULINARY CENTER

O secretario do Consello Regulador, Ramón Huidobro, impartiu un Seminario sobre a Diversiad de Viños en Rías Baixas a 100 alumnos de 2º curso do Grao en Gastronomía e Artes Culinarias Galicia protagonizou unha das Xornadas de Gastronomía que o Basque Culinary Center celebra todos os anos sobre as diferentes comunidades autónomas.

Como non podía ser doutra maneira, os viños de Rías Baixas tiveron un papel destacado nunha sesión dirixida polo secretario do Consello Regulador, Ramón Huidobro, que estivo acompañado da directora de Marketing, Eva Mínguez.

Un total de 100 estudantes de segundo curso do Grao en Gastronomía e Artes Culinarias asistiron a esta xornada formativa e divulgativa para promocionar a gastronomía e os produtos de calidade galegos. Ramón Huidobro impartiulles unha conferencia sobre o desenvolvemento do negocio dos viños con denominación de orixe en Rías Baixas.

Unha intervención na que explicou ao alumnado o posicionamento destes viños no mercado nacional e internacional, así como os traballos realizados na procura de novas canles de distribución e novas perspectivas de negocio, como os roteiros do viño, ou o propio desenvolvemento do produto, con viños de garda e novas elaboracións.

Durante a súa intervención, Huidobro dirixiu unha cata na que os novos estudantes do Basque Culinary Center tiveron a oportunidade de catar 4 viños desta denominación. Estes foron unha pequena mostra da diversidade das variedades autóctonas brancas e tintas desta Denominación de Orixe, así como das distintas tipoloxías de viños como monovarietales ou coupage, e elaboracións en madeira ou sobre leas.

Toda unha experiencia que achegou ao alumnado a estes viños con marcado carácter atlántico. A xornada completouse coas presentacións realizadas polos chefs galegos Javier Oleiros e Xosé Torres Cannas, dos restaurantes Culler de Pau e Pepe Vieira, así como por Xesús Mazarías, da quesería Arias Moniz, que puxeron valor en valor o produto, a súa historia e a súa proxección. Todo iso enmarcado na sustentabilidade, a substitución xeracional e a promoción do mundo rural.