Os nosos viños

O sabor de Galicia, esencia atlántica

Os viños da Denominación de Orixe Rías Baixas xorden dunha tradición vitícola moi arraigada nas 5 subzonas que a compoñen, resultado do cultivo de variedades de uva autóctonas como a Albariño, que acadan o seu máximo desenvolvemento nas condicións do sur de Galicia.

Contamos cun terroir único, e a excelencia e a continua innovación tecnolóxica na viticultura e elaboración dan como resultado unha gran variedade de viños atlánticos, frescos, monovarietais e multivarietais con diferentes coupages de moi alta calidade, que explican o prestixio que acadaron os viños Rías Baixas en todo o mundo.

A nosa historia

Existe documentación relativa á elaboración dos viños Rías Baixas dende o século V, pero a súa evolución estivo vencellada inicialmente aos mosteiros cistercienses, como o de Armenteira; despois á nobreza e á actividade en casas grandes e pazos e, a partir dos anos 50, comeza a profesionalizarse. O paso máis decisivo neste sentido deuse na década de 1980, coa creación da denominación de orixe Rías Baixas. A historia da nosa denominación de orixe, dos nosos viños e adegas é apaixonante. Descúbrea!

Rías Baixas, a máxima expresión do terroir no Albariño

As Rías Baixas son unha rexión privilexiada para o cultivo da vide e, sobre todo, para o desenvolvemento das cepas Albariño. O seu clima, orografía, solo, as súas variedades de uva autóctonas e a influencia do océano Atlántico determinan o noso ecosistema vitivinícola. Porque é neste terroir onde a uva Albariño acada o seu máximo desenvolvemento e dá todos os matices que fan do Albariño Rías Baixas un viño único.

As cinco subzonas que conforman a Denominación de Orixe Rías Baixas (Condado do Tea, O Rosal, Ribeira do Ulla, Soutomaior, e Val do Salnés) sitúanse en zonas de máxima calidade, segundo o Índice integral térmico eficaz, que mide o potencial de calidade medio dun enclave vitivinícola.

Tipos de viños Rías Baixas

O viño monovarietal Albariño Rías Baixas é, sen dúbida, o verdadeiro protagonista da nosa denominación de orixe. Representa o 96 % da produción de uva e o 95 % da produción vitivinícola, especialmente na subzona do Salnés. Pero se algo caracteriza á Denominación de Orixe Rías Baixas é a variedade de uvas e tipos de viños multivarietais que produce, todos avalados polo selo de calidade Rías Baixas e unha mostra da singularidade das nosas 5 subzonas: O Salnés, O Rosal, Comarca do Tea, Ribeira do Ulla e Soutomaior. Un total de 9 tipos de viños que paga a pena descubrir.

Uvas Rías Baixas, variedades autóctonas

A uva Albariño é o verdadeiro piar desta denominación de orixe. Con ela conviven outras 13 variedades de uvas brancas e tintas autóctonas. O seu cultivo baséase na profunda tradición vitivinícola de cada unha das 5 subzonas, que se mantivo ao longo dos séculos por pequenos produtores como actividade familiar, herdada de xeración en xeración. A partir de 1988, viticultores e produtores uniron forzas cara á profesionalización e ás elaboracións de calidade que hoxe nos caracterizan. Rías Baixas é sinónimo de riqueza varietal, capaz de personalizar os viños Rías Baixas das cinco subzonas.

Viticultura tradicional e sostible

A viticultura na Denominación de Orixe Rías Baixas estivo durante séculos nas mans sabias e expertas de máis de 5.000 viticultores, que sempre apostaron por unha viticultura tradicional dominada polo minifundio, o que favoreceu que tarefas como a poda ou a vendima se realizaran de xeito manual, máis respectuosas co medio ambiente. O sistema tradicional de emparrado favorece o desenvolvemento das vides, pero tamén o aproveitamento das parcelas vitivinícolas para a plantación de hortas de autoconsumo. En definitiva, o viñedo das Rías Baixas enténdese como un ecosistema no que insectos, microorganismos, o solo e outras plantas contribúen a manter o equilibrio natural.

AÑADAS

2015

Moi boa

2016

Excelente

2017

Moi boa

2018

Moi boa

2019

Moi boa

2020

Moi boa

2021

Boa

Coñece máis sobre as nosas colleitas