Notas de prensa

Rías Baixas

mércores, 15 Maio, 2019

15 de maio de 2019.- Setenta e nove marcas de 45 adegas da Denominación de Orixe Rías Baixas participan desde o luns ata o xoves en Vinexpo Burdeos 2018 dentro do stand do Consello Regulador, situado no pavillón do ICEX.

mércores, 15 Maio, 2019

11 de maio de 2019-. O Día Movimiento Vino D.O. celébrase hoxe por terceiro ano consecutivo. Unha vez máis, a Denominación de Orixe Rías Baixas uniuse a este brinde colectivo desde a Praza do Castelo de Salvaterra do Miño, coa actuación do grupo pontevedrés La Casa de los Ingleses. Ademais, co gallo da celebración do Día Movimiento Vino D.O., o Museo da Ciencia do Viño de Salvaterra abre as súas portas durante toda a xornada de balde.

mércores, 08 Maio, 2019

7 de maio de 2019-. Todo preparado na D.O. Rías Baixas para a terceira edición do DÍA MOVIMIENTO VINO D.O. que este ano nos levará ata a Praza do Castelo en Salvaterra do Miño. O acto comezará ás 13 h. coa actuación do grupo La Casa de los Ingleses. Co gallo da celebración do Día Movimiento Vino D.O., o Museo da Ciencia do Viño de Salvaterra abrirá as súas portas durante toda a xornada de balde.

mércores, 08 Maio, 2019

8 de maio de 2019.- O Consello Regulador da Denominación de Orixe Rías Baixas participa ata mañá na décima edición da Feira Nacional do Viño, FENAVIN, no Pazo de Exposicións e Congresos de Ciudad Real. É a terceira vez que a D.O. Rías Baixas acode a esta cita dentro do Pavillón de Galicia. Participa xunto a outras tres denominacións de orixe vitivinícolas galegas (Ribeira Sacra, Ribeiro e Valdeorras).

venres, 03 Maio, 2019

3 de maio de 2019.- 53 marcas da D.O. Rías Baixas, pertencentes a 29 adegas, participan por primeira vez hoxe e mañá na feira Vyno Dienos (Días do viño) 2019 en Vilnius, Lituania. Trátase dun mercado potencial para a Denominación de Orixe Rías Baixas e tamén para os viños españois. De feito, é a primeira vez que esta denominación acode a esta feira, así como Wines from Spain cun stand nacional.

venres, 26 Abril, 2019

24 de abril de 2019.- Un grupo de catro educadores do viño chineses visitaron a Denominación de Orixe Rías Baixas. Esta actividade estivo protagonizada por unha charla dun técnico do Consello Regulador no Pazo de Mugartegui que se completou cunha visita a tres adegas na subzona do Salnés con diferente perfil e tamaño para que estes educadores puidesen ver o mundo que rodea a variedade albariño e a súa D.O.

xoves, 11 Abril, 2019

Pontevedra, 11 de abril de 2019.- O Consello Regulador da Denominación de Orixe Rías Baixas acolleu a cata da Guía Peñín de 2019. O director da guía, Carlos González, e o seu editor, Javier Luengo, avaliaron algo máis de 270 referencias, o que supón un récord para esta publicación en Rías Baixas.

 

xoves, 11 Abril, 2019

A Denominación de Orixe Rías Baixas vendeu máis e máis caro nos mercados internacionais. Uns 70 países gastaron aproximadamente corenta millóns de euros en máis de sete millóns de litros destes viños durante o exercicio 2018. O crecemento tradúcese nun 10,35% en valor (cun prezo medio por litro de 5,55 euros) e nun 9,32 % en volume.

Estas vendas foron posibles grazas a que o Órgano de Control e Certificación do Consello calificou un total de 25.562.695 litros de viño en 2018, que permitiron atender tanto os mercados internacionais como o nacional e local.

martes, 02 Abril, 2019

2 de Abril de 2019.- 74 marcas da D.O Rías Baixas protagonizaron o Salón do Viño de 2019 en Marbella. O hotel Gran Meliá Don Pepe foi escollido para esta presentación nun mercado de gran interese para estes viños atlánticos. Ademais, 10 sumilleres de Marbella participaron na cata sobre os viños desta denominación, impartida polo técnico José Martínez.

luns, 01 Abril, 2019

1 de abril de 2019.- O presidente do Consello Regulador da Denominación de Orixe Rías Baixas, Juan Gil de Araujo, oficiou este mediodía o descubrimento da placa conmemorativa da declaración da Festa do Albariño como Festa de Interese Turístico Internacional. A placa está ubicada na entrada do Paseo da Calzada de Cambados. Juan Gil de Araujo estivo acompañado neste acto pola corporación municipal de Cambados, encabezada pola alcaldesa, Fátima Abal, así como por adegueiros e diversos representantes do sector vitivinícola de Rías Baixas.

venres, 29 Marzo, 2019

29 de marzo de 2019. A tortilla de patacas, mejor con ou sen cebola? É a pregunta que lanzan desde a Denominación de Orixe Rías Baixas a consumidores e internautas na súa última campaña de primavera, coa que seguen apostando por potenciar a maridaxe dos seus viños con diferentes produtos gastronómicos. E é que a resposta é clara: “que cadaquén a prepare como queira, pero que todos a gocen cun bo Albariño Rías Baixas”.

xoves, 28 Marzo, 2019

28 de marzo de 2019.- 106 alumnos e alumnas do Basque Culinary Center, acompañados por cinco profesores, finalizan hoxe a súa experiencia na Denominación de Orixe Rías Baixas. Con esta visita chégase á oitava ocasión na que o estudantado do primeiro curso do Grao en Gastronomía e Artes Culinarias acode a Rías Baixas para coñecer ‘in situ’ os seus viños, ao mesmo tempo que se reafirma a boa relación existente entre esta Denominación de Orixe e a universidade vasca.

Páxinas