Tes a idade legal para consumir bebidas alcohólicas no teu país?
Para acceder aos contidos da nosa web debes ser maior de idade no teu país de residencia.
Máis de 450 profesionais non quixeron perderse a terceira edición do Salón Rías Baixas de Viños de Colección. Unha oportunidade única en Madrid de catar, comparar e degustar 116 marcas singulares, Premium e de produción limitada de diferentes tipoloxías de viño con crianza desta denominación. Tamén colgaron o cartel de cheo as catro masterclass impartidas ao longo de toda a xornada por relevantes profesionais do viño. Nelas déronse cita un cento de persoas, 25 por sesión.

A rebosar estiveron o túnel do viño, con 72 marcas de 45 adegas, e o showroom, con 44 viños de 17 adegas que non pararon de atender aos numerosos winelovers que se pasaron polo hotel madrileño Hyatt Thompson. O obxectivo, máis que conseguido, desta terceira edición do Salón Rías Baixas de Colección era poñer en valor a calidade e o potencial de envellecemento destes viños atlánticos. E así o fixeron con colleitas lonxevas dende 2012 ata chegar á 2024. Uns viños que no seu momento foron cualificados como Bos, na súa maioría Moi Buenos e incluso algún Excelente.
Ningún amante do bon viño quixo perderse a terceira edición deste salón, que novamente contou coa colaboración da Unión Española de Catadores (UEC). E así se puido palpar tamén nas catro masterclass que con facilidade encheron o seu cento de prazas, repartidas en catro sesións de 25 persoas, e onde se cataron un total de 60 viños de Rías Baixas.

“Xuventude e Complexidade” foi a primeira proposta da xornada, da man do novo e relevante sumiller en Restaurante Smoked Room do grupo de Dani García, Pol Samón, en cuxa sesión se analizaron e desfrutaron 17 tipoloxías diferentes viños de Rías Baixas de colleitas comprendidas entre 2022 e 2024. Tomou o relevo, con “Madurez e Evolución I”, Laura Sánchez Lara, xornalista freelance de diferentes medios de comunicación como Metropoli, El Cocinillas, tamén sumiller e prescriptora de viños e gastronomía. Durante a súa masterclass degustáronse e comentáronse 15 marcas das colleitas 2023 e 2024.
Pola tarde foi a quenda de Laura López Altares, directora da Revista Mi Vino, que evaluou 15 viños baixo a perspectiva da “Madurez e evolución II” con 15 referencias de colleitas de 2012,2018, 2019 e o resto entre a 2021 e a 2023. O punto e fin desta sesión de masterclass correu da man de María José Huertas, prestixiosa sumiller no restaurante de Paco Roncero que, con “Lonxevidade sen límites”, catou e fixo un percorrido por 16 viños, de colleitas como 2012 e logo desde 2017 ata 2023. Un estupendo broche final para unha xornada protagonizada por un dos mellores viños brancos do mundo.