O PLENO DO CONSELLO REGULADOR DA DENOMINACIÓN DE ORIXE RÍAS BAIXAS ELIXE A ISIDORO SERANTES COMO PRESIDENTE

O pleno do Consello Regulador da Denominación de Orixe (CRDO) Rías Baixas constituiuse esta mañá tras os comicios do pasado 19 de febreiro. Seguidamente tivo lugar a elección de Isidoro Serantes Serantes como presidente do Consello Regulador da Denominación de Orixe Rías Baixas para os próximos 4 anos. Presentáronse dúas propostas: a de Isidoro Serantes Serantes e a de Xoán Allegue López. No caso da Vicepresidencia so houbo unha propuesta: a da adega Carballal Vázquez Abal, representada por Juan Carlos Vázquez Abal, que exercerá como vicepresidente. 

A devandita constitución do pleno do Consello Regulador da Denominación de Orixe. Rías Baixas, estivo presidida polo director da Axencia Galega de Calidade Alimentaria (AGACAL), José Luis Cabarcos Corral. Os 22 vogais  tomaron posesión das súas respectivas actas tras a pertinente entrega das súas acreditacións e a súa comprobación por parte do secretario do mesmo, Ramón Huidobro.

Novo presidente

Isidoro Serantes Serantes, viticultor, enólogo e xerente da adega Bouza do Rei.

O recente presidente do Consello Regulador da Denominación de Orixe Rías Baixas leva no seu ADN a cultura do viño. Pertence a unha familia con tradición viticultora, que xa conta con relevo xeracional nos seus fillos. É socio fundador da adega Bouza do Rei na que, ademais, leva 38 años exercendo como xerente.

A súa vinculación ao mundo do viño en Rías Baixas é anterior á creación da Denominación de Orixe, pois esta adega data de 1984. Isidoro Serantes estivo entre os precursores da Denominación de Orixe Rías Baixas, de feito Bouza do Rei foi unha das catorce adegas fundadoras. Formou parte do pleno do Consello Regulador con Marisol Bueno como presidenta, desde o ano 1986 ata o 2007, participando durante ese tempo en  diferentes comisións (de viticultura, permanente, promoción…).

A súa traxectoria dentro do sector vitivinícola de Rías Baixas queda patente en 2015, ano no que foi nomeado  “Cabaleiro do Albariño” pola súa entrega profesional.

24 vogais

• D. José Antonio Presa Garrido, vogal do sector produtor.
• D. Manuel Arturo Conde Fernández, vogal do sector produtor.
• Explotaciones vitícolas do Salnés S.C., vogal do sector produtor, representada por D. Julio Reboredo Froiz.
• Telenaval, S.L., vogal do sector produtor, representada por D. Fernando Crusat Méndez
• Explotaciones Vitícolas Rías Baixas S.L.U., vogal do sector produtor, representada por D. Manuel Ángel Dopazo Padín.
• Viñedos Altos de Torona S.L.U., vogal do sector produtor, representada por D. José Antonio Torres Gómez.
• D. Juan Carlos Suárez Penas, vogal do sector produtor.
• D. Isidoro Serantes Serantes, vogal do sector productor.
• Finca Vilamean S.L., vogal do sector produtor, representada por D. Inocencio Rodríguez Rodríguez.
• Adega Vieites S.L., vogal do sector industrial, representada por D. José Chaves Martínez.
• Carballal Vázquez Abal S.L., vogal do sector industrial, representada por D. Juan Carlos Vázquez Abal.
• Bodegas La Val S.L., vogal do sector industrial, representada por D. Fernando Bandeira García.
• Bodegas As Laxas S.A., vogal do sector industrial, representada por D. José Simón Ferro.
• Bodegas Terras Gauda S.A., vogal do sector industrial, representada por D. Enrique Costas Rodríguez.
• Adegas Valmiñor S.L., vogal do sector industrial, representada por D. Carlos Gómez Davila.
• Bodegas del Palacio de Fefiñanes S.L., vogal do sector industrial, representada por D. Juan Gil de Araujo González de Careaga.
• Pazo de Señoráns S.L., vogal do sector industrial, representada por Dña. Victoria Mareque Bueno.
• Viña Cartín S.L., vocal del sector industrial, representada por D. César Méndez Padín.
• Adegas Condes de Albarei S.A.U., vogal do sector cooperativo, representada por D. Xavier Zas García.
• Bodegas Martín Códax S.A.U., vogal do sector cooperativo, representada por D. Xoan Allegue López.
• Cooperativa Vitivinícola Arousana S.C.G., vogal do sector cooperativo, representada por D. Carlos Carrión Álvarez.
• Viña Moraima S.C.G., vogal do sector cooperativo, representada por Dña. María Salomé Cancela Romero.
• 2 vogais delegados da Consellería do Medio Rural: D. Antonio Crespo Iglesias e D. José Manuel Fernández Castro.