OS RÍAS BAIXAS ESPUMOSO DE CALIDADE SUMAN NA CAMPAÑA NAVIDEÑA UNhA PRODUCCIÓN DE MÁIS DE 95.000 LITROS EN 2025

Brindar no Nadal cun Rías Baixas Espumoso de Calidade empeza a converterse nunha tradición en Galicia. Tanto é así que xa é un produto consolidado entre as adegas da Denominación de Orixe, que este ano aumentaron a súa produción acadando os 95.036 litros, un 1,01% máis ca no 2024.

Na actualidade, 16 adegas producen e comercializan 44 marcas distintas de Espumoso de Calidade baixo o selo D.O. Rías Baixas, que xa se converteron nuns viños que non poden faltar nas mesas durante o Nadal e nas festas de entrada e saída do ano. A súa traxectoria remóntase a 2012 e, trece anos despois, pode dicirse que xa é un produto consolidado no porfolio das adegas desta denominación.

A súa produción, que en 2025 chega ás 126.714 botellas, segue o método tradicional champenoise, no que o viño realiza unha segunda fermentación dentro da botella. Desta forma xérase esa sensación cremosa propia dos viños elaborados siguindo este método e que caracterizan os Espumosos de Calidade de Rías Baixas.

A normativa europea aplicada aos viños espumosos da D.O. Rías Baixas admite variedades tanto brancas como tintas, aínda que a produción é maioritariamente de branco e da variedade albariño. En función da cantidade de zucre engadido distínguense varios tipos de espumosos: Brut Nature (sen zucre engadido), Extra Brut, Extra Seco, Seco, Semiseco e Doce.