Tes a idade legal para consumir bebidas alcohólicas no teu país?
Para acceder aos contidos da nosa web debes ser maior de idade no teu país de residencia.
A Denominación de Orixe decidiu durante a súa reunión anual con adegas manter os plans de exportación aos seus principais mercados para o próximo ano
Un 41.818 km de viaxes, equivalentes a unha volta ao mundo. Esta foi a distancia que a Denominación de Orixe Rías Baixas percorreu durante 2026 para dar a coñecer os seus viños atlánticos. Sete viaxes internacionais a destinos como Alemaña, Estados Unidos, Países Baixos, Porto Rico e Reino Unido; aos que hai que unir polo menos catro nacionais a cidades como Madrid e Barcelona. É o momento de analizar resultados e pechar plans para o próximo ano, e así o fixo hoxe a Denominación de Orixe nunha reunión con adegas na súa sede de Mugartegui para planificar o calendario internacional do próximo ano.
O Consello Regulador leva máis dunha década apoiando as adegas exportadoras, 105 na actualidade. Por iso, persoal do Consello Regulador fixo as maletas máis de 11 veces este ano para dar a coñecer as calidades dos viños de Rías Baixas. Fíxoo tanto no marco de feiras como Prowein, London Wine ou Barcelona Wine Week como a través de actividades propias organizadas ad hoc, como salóns de viños, roadshows, promocións en punto de venda, formacións, patrocinios e misións inversas… Todo para ampliar os horizontes do viño branco español por excelencia, como é o Albariño Rías Baixas.
Un esforzo no que o Consello Regulador non só investiu imaxinación e tempo, senón tamén diñeiro, concretamente preto de 800.000 euros para fomentar a proxección dos viños de Rías Baixas nos mercados internacionais: “O noso investimento os últimos anos mantense estable”, asegurou Ramón Huidobro, secretario do Consello.
Folla de ruta para 2027
Huidobro realizou un repaso simple polas cifras de exportación da campaña 25/26, centrando a súa atención nos principais destinos. O secretario xeral apuntou que “os viños de Rías Baixas crecen no mercado internacional mentres que outras denominacións de orixe están situadas nunha tendencia de descenso”. Por iso, o secretario xeral quixo poñer en valor o esforzo e “o traballo dos departamentos de mercadotecnia e de comercialización das adegas”, así como “a resiliencia e o traballo por parte deste Consello Regulador”.
Seguidamente, a directora do departamento de Marketing, Eva Mínguez, fixo un repaso pormenorizado polo actual plan promocional, atendendo a mercados primordiais como Estados Unidos, Reino Unido, Porto Rico, Irlanda, Bélxica México e Holanda, entre outros; e a accións puntuais en mercados de interese como China, Alemaña e Suíza. Como explicou Eva Mínguez: “Centramos a nosa promoción na formación e tamén nas misións inversas porque nos permiten contar a nosa historia e filosofía dos viños de Rías Baixas e a súa diferenciación”.
A folla de roteiro para 2027 continuará cos mesmos plans de promoción: Estados Unidos, Reino Unido, México, Irlanda e Porto Rico, con actividades especiais en países de interese como China, e coa participación en feiras como la Barcelona Wine Week, FENAVIN, London Wine, Prowein, Wine Paris & Vinexpo Paris.
