SEIS PRESCRIPTORES MEXICANOS VISITAN ESTES DÍAS A DENOMINACIÓN DE ORIXE RÍAS BAIXAS

Seis prescriptores mexicanos participan esta semana nunha misión inversa na Denominación de Orixe Rías Baixas. Iniciaron o martes o seu periplo pola denominación cunha charla e unha cata de viños na sede do Consello Regulador, onde probaron 24 elaboracións de adegas da denominación que participan na campaña promocional de México deste Consello Regulador.

A visita prolongarase ata o xoves polas subzonas do Salnés, O Rosal e Condado do Tea, por diferentes adegas e viñedos desta denominación. O obxectivo é que poidan ver de primeira man o funcionamento e a estrutura produtiva de Rías Baixas, onde precisamente lles sorprendeu moito o “minifundio”, como explica o  embaixador da DO Rias Baixas en México e sommelier, Andrés Amor, que acompaña ao grupo e a quen tamén lle chamou a atención: “a homoxeneidade da calidade común a todos os viños de Rías Baixas”.  Neste sentido destacan “a cualidad de garda dos viños de Rías Baixas, que lles confire unha moi alta calidade e un gran futuro”. Unha característica que a expedición puido corroborar probando colleitas de 2002, 2011 e 2018, entre outras.

O mercado de México ocupa o quinto lugar na Denominación de Orixe Rías Baixas. Alí exportou en 2022 un total de 389.999,75 litros por un valor de 2.812.900 euros. Unhas cifras que se incrementaron respecto a 2021, un 37,66% en volume e un 51,16% en valor.

Prescriptores

Carlos Parrodi, director de Domecq Academy, director de viños e espirituosos Domecq Academy. Mestría en Ciencias OIV MSc en Administración de Adegas e Viñedos da Organización Internacional da Viña e o Viño (OIV) en colaboración co departamento de enoloxía e viticultura de Montpellier SupAgro. Diplomado en Marketing de Viños por UC Davis, en California. Certified Sommelier por The Court of Master Sommeliers. Nivel 2 en spirits del WSET (estudando último nivel). Membro honorario do Consello Mexicano Vitivinícola. Representante en México da Asociación Internacional de Universidades de Vitivinicultura (AUIV). Xurado no México Selección by Concours Mondial de Bruxelles 2022.

Steve Ayón, Wine Director en Sonora Grill Group, director do programa de viños para Grupo Sonora Grill (42 centros de consumo). Asesor a restaurantes en selección de cartas de viño, destilados e cervexa. Docente nos diplomados de viño, destilados e cervexa da Asociación de Sommeliers Mexicanos. Campión de México no “Concurso Nacional de Sommelier”, e primeiro lugar “Mellor Sommelier de México 2017”, organizados pola Asociación de Sommeliers Mexicanos.

Marco Beteta, líder de opinión no sector gastronómico con experiencia de máis de 30 anos na industria. Creador e director da Guía de restaurantes MB. Recoñecido como referencia gastronómica e de estilo de vida. Pioneiro en crear as guías de restaurantes en México, creou MB by Marco Beteta co propósito de inspirar diariamente á súa comunidade na arte do bo vivir. MB by Marco Beteta caracterízase pola súa credibilidade e bo gusto, respaldado polas guías de restaurantes, destinos e estilo de vida máis destacadas do país.

Pepe Salinas, director Gastronómico e de Alimentos e Bebidas do grupo Central Hoteles. Desde hai 5 anos está a cargo da proposta de Central Hoteles e Balcón Zócalo, un grupo cun novo concepto de hospitalidade, onde o eixo central é a amabilidade, a cultura e o folklore mexicano. Ten baixo a súa responsabilidade 7 centros de consumo (hoteis exclusivos e restaurantes de especialidade). Estudou no CIS Culinary School de Lucerna, Suiza, e no Colexio Superior de Gastronomía. Colabora con asociacións como U.S Meat e Viño de Oregón e California.

Teresa Rodríguez, editora en xefe da sección semanal Boa Mesa do xornal Reforma. Xornalista gastronómica con 19 anos de traxectoria en Reforma, principal diario mexicano. Licenciada en Ciencias da Comunicación e Mestra en Estudos internacionais. Diplomada en Cociñas de Especialidade e como Sommelier pola Asociación de Sommeliers Mexicanos. Catadora en Concours Mondial du Bruxelles. Xurado do México Selection by Concours Mondial de Bruxelles. Xurado prensa do Concurso os Melhores Verdes.