Os viños da Denominación de Orixe Rías Baixas afianzan o seu prestixio como marca de calidade no exterior

As exportacións subiron durante 2016 un 11,79% en valor Estados Unidos e Reino Unido seguen á cabeza como principais mercados no exterior

3 de marzo de 2017.-A Denominación de Orixe Rías Baixas continúa imparable o seu afianzamento como marca de prestixio nos mercados exteriores, como así o testemuñan as cifras de exportacións alcanzadas durante o pasado ano 2016.

O valor total das exportacións dos viños de Rías Baixas experimentou durante 2016 un aumento do 11,79% con respecto a 2015, superando os 33 millóns de euros de facturación. Do mesmo xeito, tamén se rexistrou un incremento do 10,45% no volume, alcanzando as 8.536.938 botellas exportadas. A evolución das exportacións nesta denominación contribúe á imaxe de calidade de Galicia a nivel internacional.

Os alentadores resultados de 2016 supoñen a recompensa ao constante e intenso traballo realizado polo conxunto da Denominación de Orixe Rías Baixas. Das 183 adegas adscritas, son 103 as que actualmente se atopan en plans de exportación. Ao traballo e investimento individual realizados por todas e cada unha delas hai que sumar as campañas de promoción exterior desenvolvidas desde o Consello Regulador. A firme aposta por estender o coñecemento e o prestixio dos viños de Rías Baixas materialízase en plans promocionais específicos nos principais destinos exportadores -Estados Unidos, Reino Unido, Alemaña, México, Irlanda, BENELUX ou Xapón, entre outrosademais de accións concretas en mercados emerxentes.  

Froito de todos estes esforzos, as exportacións mantéñense no 28% das vendas totais de viños da Denominación de Orixe Rías Baixas, que o pasado ano alcanzaron os 22.965.703 litros de viño comercializados. Uns resultados que veñen avalados por uns produtos da máis alta calidade e que demostran o compromiso do sector, viticultores e adegas, na súa aposta pola excelencia.

EXPORTACIÓNS POR DESTINOS